(河馬仔專欄)10月24日金鐘西式早餐+賽馬分析

河馬仔

<河馬仔專欄>之『馬場對對子』飲食專欄又來啦!

『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的

『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!

『Mary CHAN』:今集嘉賓,馬場樂子的知心朋友,喜歡同人漫畫創作及諗笑話(但唔好笑.....),偶然會來成為嘉賓.
*(圖中所述之看板娘人名純屬虛構、如有雷同、實屬巧合。)


樂子：家姐~~~~(打呵欠中)

彩珠：唔................樂子..........今朝係唔係要去幫Mary姐的同人漫畫活動手呀?(都係打呵欠中)

樂子：唔.......係呀,佢話要係金鐘度等佢攞野,佢話請食早餐架.............咕.......................

彩珠：咪訓啦,起身換衫行啦,遲到啦............



MARY：おはよう！(O-HA-YOU)(早晨)兩位老師!!!

樂子：早晨呀,今日打扮得好靚噃,着得好斯文呢,條裙好靚呢.

彩珠：每次同人活動MARY姐都落心打扮架啦,咪大驚小怪啦.不過今次條裙仔又真係好靚噃,又有D碎花.

MARY：您地兩位檢視完條裙未呢?不如一齊入去食早餐一路傾啦.呢度係金鐘太古廣場的METROPOLITAN CAFE.



彩珠：附近有天橋SHOW呢,行得天橋都係好多女仔的夢想呢.

樂子：以我地三位都未必有可能啦,嗚嗚......都係去買野食算了.............


MARY：我地要呢個呢個呢個呢..........

樂子：嘩,講清楚D好噃.

彩珠：好咁我行先啦.



彩珠：呢個可以三份呢,係PANINI來,PANINI可以講係意式多士,食個陣烤熱兩面,脆口的夾包加上多多的火腿及蛋,外脆內軟又香口,加上千島醬更好吃呢.而加上一杯熱辣辣的Cappuccino就更美味呢.

看板娘---馬場彩珠---對PANINI之評分:





樂子：這個是DENVER OMELET呢,奄列其實有好多花款,呢款係美國中西部廣受歡迎的奄列呢.做法係炒好一些青椒火腿落蛋後再煎好個蛋的一面後再將頭先的材料及大量芝士加入去.最涕在奄列上面加大堆炸薯撈埋一齊食便可.

彩珠：感覺如何呀?

樂子：由於勁多芝士在奄列入面,感覺都幾黏口.再加上一開波早餐又蛋又芝士又肉又薯,真係可能西方人士才合適,加上炸薯雖然香口,但對女仔而言真係兩份分先得...真係好heavy的早餐呢.真係要飲杯凍啡先.

看板娘---馬場樂子---對Denver Omelet之評分:




MARY：呢個白白淨淨又清清純純的最襯我呢.

彩珠：嘩,個咁大段野要我地讚您皮膚又滑又靚呀?-__-

樂子：您講到咁我真係想係您個碟攞半份先*_*

MARY：蛋白奄列梗係白啦,加上一些雜椒青瓜粒等,早餐來說感覺幾清新又易入口,味道唔過濃,食完又夠飽,配埋杯Cappuccino就更合拍呢^_^

看板娘---馬場彩珠---對蛋白奄列之評分:


彩珠：多謝Mary!ごちそうさま！(GO-TI-SOU-SA-MA)(食飽了!)

MARY：唔客氣,今日麻煩您地幫我係同人檔攤度做看板娘就真啦.

樂子：咁要加午餐同埋晚餐啦>_<

看板娘馬場樂子---是日食物日文讀音:




河馬仔第二,四,八,十場心水選擇:
(馬場樂子代筆)

第二場 :

8. 威水福星-雖然本身父系來港稍稍麻麻,來港大多都是中下班份子,但多數係跑兩三場便可見可人走勢,當然如果好似麗晶豪情咁就冇乜野講.晨操雖然仲有汗濕但19快跳過步其實都步大力雄,唔可以同上場之惡劣狀態所比較.此駒一路以來在暑假後都有密密做工夫,上場大敗其實沿途食沙之餘仲要個馬頭馬尾一路跑一路週圍搖.只要看看今季的草閘咁大汗但走勢扣住
都吸引的話,大冷不明物體.

是場心水 :
8. 威水福星 - 6. 風雲武士 - 2. 大地王者 - 13. 當旺

第四場 :

3. 實業英雄 -此駒韋達繼續騎番都需要留意的,上次谷草蝕住位走對此大長途馬來說其實進步好多.今場21號韋達快跳兩段明顯唔同,隻馬韋達HOLD到之餘但對腳係好似飛出去咁,四蹄盡展,馬身又收得比上場紮實,全場晨操最好此駒,隻馬仲要唔知仲有幾多分在手的話要吼實

是場心水 :
3. 實業英雄 - 5. 真係寶 - 10. 歡樂寶寶 - 6. 金剛驃

第八場 :

3. 友誼至上 -上場隻馬晨操毛又暗又冇神冇氣,仲要起步守在包尾內欄位,入直路後左塞右塞就到終點,真正望空時間真係寥寥無幾,講真上次當係一個草閘算了.今次20號踱步隻馬D毛色有番唔少光澤,仲要唔駛頂磅對住一批唔夠班甚至唔在狀態之對手,跑番千六又真係幾穩陣.

是場心水 :
3. 友誼至上 - 6. 自由好 - 11. 威利旺旺 - 13. 金獅威將

第十場 :

5. 包裝選擇 - 同一言為定比較,上場佢可在一個接近冇可能的位置風捲殘雲般輕勝.雖然今次要讓一言為定磅兼加程,但如計對手實力而言包裝選擇上場之對手其實唔弱得過一言為定上場之對手,包裝選擇晨操踱步乖巧好定,就算有難度都難言放棄.

是場心水 :
5. 包裝選擇 - 1. 一言為定 - 14. 名人 - 7. 豪情拍檔



是日三場全餐博冷門Q膽 :
(馬場彩珠代筆)

第二場 : 8. 威水福星

第四場 : 3. 實業英雄

第八場 : 3. 友誼至上

河馬仔

是日河馬仔心水選擇及賽果由看板娘---馬場樂子及馬場彩珠為大家報導:
(.................)

河馬仔第二,四,八,十場心水選擇:
(馬場樂子代筆)

第二場 :

8. 威水福星-雖然本身父系來港稍稍麻麻,來港大多都是中下班份子,但多數係跑兩三場便可見可人走勢,當然如果好似麗晶豪情咁就冇乜野講.晨操雖然仲有汗濕但19快跳過步其實都步大力雄,唔可以同上場之惡劣狀態所比較.此駒一路以來在暑假後都有密密做工夫,上場大敗其實沿途食沙之餘仲要個馬頭馬尾一路跑一路週圍搖.只要看看今季的草閘咁大汗但走勢扣住
都吸引的話,大冷不明物體.

是場心水 :
8. 威水福星 - 6. 風雲武士 - 2. 大地王者 - 13. 當旺

第四場 :

3. 實業英雄 -此駒韋達繼續騎番都需要留意的,上次谷草蝕住位走對此大長途馬來說其實進步好多.今場21號韋達快跳兩段明顯唔同,隻馬韋達HOLD到之餘但對腳係好似飛出去咁,四蹄盡展,馬身又收得比上場紮實,全場晨操最好此駒,隻馬仲要唔知仲有幾多分在手的話要吼實

是場心水 :
3. 實業英雄 - 5. 真係寶 - 10. 歡樂寶寶 - 6. 金剛驃

第八場 :

3. 友誼至上 -上場隻馬晨操毛又暗又冇神冇氣,仲要起步守在包尾內欄位,入直路後左塞右塞就到終點,真正望空時間真係寥寥無幾,講真上次當係一個草閘算了.今次20號踱步隻馬D毛色有番唔少光澤,仲要唔駛頂磅對住一批唔夠班甚至唔在狀態之對手,跑番千六又真係幾穩陣.

是場心水 :
3. 友誼至上 - 6. 自由好 - 11. 威利旺旺 - 13. 金獅威將

第十場 :

5. 包裝選擇 - 同一言為定比較,上場佢可在一個接近冇可能的位置風捲殘雲般輕勝.雖然今次要讓一言為定磅兼加程,但如計對手實力而言包裝選擇上場之對手其實唔弱得過一言為定上場之對手,包裝選擇晨操踱步乖巧好定,就算有難度都難言放棄.

是場心水 :
5. 包裝選擇 - 1. 一言為定 - 14. 名人 - 7. 豪情拍檔



是日三場全餐博冷門Q膽 :
(馬場彩珠代筆)

第二場 : 8. 威水福星
(唔中)

第四場 : 3. 實業英雄
(唔中)

第八場 : 3. 友誼至上
(唔中)

zhuqingfeng

感謝我可以讀到這麼好的帖子，繼續努力